ANO ANG KAHULUGAN NG PASKO, SA BUHAY MO?

Ah! tapos na ang pagdiriwang ng Pasko, kung saan ang iba ay kinukwestiyon ang mahabang pagdiriwang na ito, kung ano ang kahulugan, kung kailan talaga at ang kung ano ang maidadagdag sa isang tao sa aspeto ng pananampalataya. Sa akin hindi ang kung kailan ipinanganak, ang dami kayang tao, na kapag tiningnan mo ang araw ng kapanganakan na nakatala sa PSA, iba ang nakalagay sa tunay na araw ng kapanganakan. Well, ang mahalaga naisilang at naging bahagi ka ng iyong mundong ginagalawan. 

Ang Pasko, Paskuwa, ang unang Pagtawid, ang kapanganakan ang siyang ipinagdiriwang sa araw na ito, at ang bawat galaw ng mananampalataya ay nakabatay sa sabi ko nga sa mga kahulugan, sa pananaw, at higit sa lahat, sa kasaysayan.
Ilan sa mga simbolo na hindi gaanong napapansin ay ang paggawa ng Advent Wreath at ang Apat na kandila na nakapaloob dito. Hindi ito ginawa ng gayon na lamang, ito ay nakabatay sa malalim na pananaw.

Ang apat na Advent candle, tulad ng Advent wreath, ay may mga simbolo rin at kahulugan.

Ang unang kandila ay simbolo ng PAG-ASA bilang paghahanda sa pagdating ng mananakop at ito ay tinatawag din na PROPHET'S CANDLE.

Simbolo naman ng KAPAYAPAAN ang ikalawang  kandilang sumasagisag sa kapayapaan ng puro sa kabila ng magulong mundo. Kapayapaan o panatag na kalooban sapagkat darating ang tagapagpayapa ng sanlibutan, si Hesus.

Si Hesus ay dumating na, ang lahat ay nagagalak sa pagsilang niya.

Sapagkat gayon na lamang ang pag-ibig ng Diyos sa sanlibutan kaya't ibinigay niya ang kanyang bugtong na anak, upang ang sinumang sumampalataya sa kanya ay hindi mapahamak, kundi magkaroon ng BUHAY NA WALANG HANGGAN.
Ang kanyang buhay simula pa ng pagkapanganak, ay simbolo na ng Pag-ibig!Bagamat hindi ko matukoy ang mga sunod-sunod na kandila sa bawat Linggo, ang mahalaga nariyan ang pagkilos na may kahulugan.
Natapos na sa wari ang Pagdiriwang ng Pasko, subalit kung tutuusin, ito lamang ang simula ng paglalakbay ni Hesus at ng mga tao, ang ibang Advent Wreath ay lima ang nakalagay na kandila, bukod sa apat na makahulugang kandilang ito na sumasagisag sa apat na LInggo, may isa pang mas malaking kandila na sinisindihan, tanglaw sa pagkapanganak kay KRISTO!
Harinawa, ang limang kandilang ito ay manatiling nagniningas sa buong araw ng taong darating na 2018 at ang Malaking kandilang si Hesus naman ang magningas na tatanglawan ang buo nating buhay, mula sa pagsilang hanggang sa ating PASKO, sa ating pagtawid sa kabilang Buhay, Amen!

Ang Pagbabalik ng LINGAP at SERBISYO!

                  Lingid sa kaalaman ng lahat, ang mga payapang oras ni Tita Lorna ay pinalilipas niya sa makasining na bahagi ng kanyang buhay-ang pagpipinta.

Ilan sa mga ipinintang obra maestra ng ating Tita Lorna Silverio

              Kalikasan, pang araw-araw na buhay, ayuda sa mga kababaihan, at higit sa lahat may kaugnayan sa kalikasan.

       Ang simpleng bagay na mula sa kanyang balintataw ay hinagap lamang sa kanyang tunay na kakanyahan bilang malikhain hindi lamang sa maliliit na bagay kundi sa mga mas malalaking proyekto na iginuhit mula sa kanyang mga pangarap.

Mga larawan ng mapangarap na Tita Lorna, ng isang nag aalay ng tunay na Lingap at Serbisyo!

                Nasa kanyang diwa at damdamin ang dibuho, ang obra maestra ng isang matatag at kaibig-ibig na pamayanan.

     

              Ang Government Center ng San San Rafael ay katuparan ng pangarap na yaon. Mga programang nakabatay sa pangangailangan ng pamayanan, ang sasakyan na pang alalay sa katahimikan ng pamayanan, mga paaralan, mga covered courts ng paaralan na kanlungan ng mga scholars at mga mag-aaral, mga brangay hall, at iba pang mga programang nagtanghal sa Ikatlong Distrito bilang mga bayang umuunlad.

                Higit sa rito ang pagdibuho mula sa isipan ng ating Tita Lorna sa isang Area Development Plan kung saan kasama ang tinatawag nating Circumferential Road na sa pamamagitan ng mahabang daang lansangan, napag-ugnay nito ang anim na bayan ng Ikatlong Distrito. Dagdag pa ang pagguhit ng tinatawag na Plaridel By-pass Road mula sa Balagtas, tinatahak ang bayan ng Plaridel, Bustos, San Rafael, San Miguel na nag uugnay sa Daang Maharlika patungong Nueva Ecija. Nakita ng National Government ang magandang planong ito kaya palalaparin ito at magiging bahagi ng North Luzon Expressway.

                Sa kabila ng mga idinibuho, ipinintang mga pangarap na ito na nagkaroon ng katuparan, ang kanyang walang limitasyong pangarap na makapaglingkod ay naroon pa rin kung kayat ninanais niyang makabalik upang ang mga ito ay maipagpatuloy sa pamamagitan ng kanyang walang hanggang pagbibigay ng Lingap at Serbisyo sa Ikatlong Distrito ng Bulacan.

SA PILING NG MGA ANGHEL

              (Mula sa pahayag ni Reb. Padre Dennis Espejo sa pagdiriwang ng "Angel Festival" sa Parokya ni San Juan De Dios sa bayan ng San Rafael. Si Fr. Dennis ang nagpasimula ng pagdiriwang na ito 14 na taon na ang nakalilipas) 









            Labing apat na taon na ang nakalipas. Tandang tanda ko pa kung saan ang unang taon ko dito sa Parokya ng San Rafael ay lubhang malungkot. Nagpunta ako na nag iisa ni walang sumalubong.. Gaya ng unang salta sa isang bagong parokya ang pagkalungkot sana ay maiibsan kung may signal man lamang ng cellphone na kinailangan pang maglagay ng mataas na kawayan upang makasagap ng signal, kaiba sa aking pinanggalingan sa Inmaculate Conception School for Boys. Wala akong higaan maliban sa biniyak na kahon ng gatas. Ang kalungkutang yaon ang nagbunsod upang madama ang pangangailangan ng Parokya. Kailangang masaya ang pamayanan ng Diyos lalong higit sa pagtaas ng antas ng pananampalataya ng mga nasasakupan ng parokya. Noon namin naisip, kasama si Atty. Emily Viceo  ang mga punong-guro ng bawat paaralan ang pagkakaroon ng unang pagdiriwang ng “Angel Festival.” Walang binanggit na salapi, walang malaking gantimpala, walang ibang tumulong kundi ang mga mamamayan ng San Rafael.

                Bakit nga  ba “Angel Festival?” Ang sarap damahin kapag sinabihan kang mukhang anghel, masuyo, masunurin, masaya at higit sa lahat, sugo ng Panginoong Diyos. Nais ng Panginoon na magmistulang anghel ang mga tao ng San Rafael. Harutan nga ng mga karatig bayan, huwag mo daw  naising mamatay sa araw na ito sapagkat wala daw anghel na sasalubong sa iyo mula sa langit sapagkat narito daw lahat sa lupa, sa bayan ng San Rafael.

                Labing apat na taon na ang nakalilipas, napananatili pa ba ng mga taga Parokya ang layunin ng pagdiriwang na ito? Naging maka-anghel ba ng ating mga ugali? Natularan ba natin ang anghel sa pagkakaroon ng malinis na katawan at kalooban?

                Ang tema ng kapistahan ngayon ay “Paghilom at Pagsulong.” Batid natin na ang dalawang patron, San Juan De Dios at San Rafael ay pintakasi ng mga may sugat ng katawan at naghihilom ng panimdim ng puso, at sa paghilom nito, nakalaan ba ng ating sarili sa isang pagsulong sa pagtaas ng antas ng ating pananampalataya. May nabago na ba sa ating katawan, sa ating puso, sa ating pananampalataya?

                Nais ng Kapistahang ito ng mga Anghel ang pagpapatuloy sa mga nasimulang layunin ng pagdiriwang na ito:

                  >>Paggawa ng mga bagay na mag-aangat sa atin sa gawain ng kabanalan na nag-uugat pa pagmamahal ng Diyos.

         >>Pagsulong sa gawain pananampalataya na nakabatay sa mga bagay na spiritual at hindi sa mga material na bagay lamang.

                Halina mga kapatid, pasayahin natin ang  ating Parokya, sa pamamagitan ng pagsaliw sa tugtuging maka-anghel

                Pamalagiin ang init ng pananampalataya. Pag-isahin ang parokya, Manalangin sa Diyos katulad ng panalangin ng Anghel para sa ikalulunas ng sakit ng katawan at kaluluwa.

Panatilihin ang pag-ibig upang maranasan,  madama ang kaligayahan at kasaganaang nakabatay sa Panalangin ni San Juan De Dios at San Rafael na nakasalig sa Biyaya ng Diyos.

Sa huli, at muli narito ang Tatlong

pangunahing layunin ng Angel Festival
1) palalimin ang pananampalataya sa Diyos

na magdudulot ng kasiglahan ng

pamayanang Kristiyano

2) pagkaisahin ang bayan ng san rafael na

magdadala ng tunay na pag unlad/progreso

3) ipakilala ang bayan ng san rafael sa

bansa(promotion of tourism)

                

GAWAD KALINGA HOPE II VILLAGE/FLOR DE CIEL: WHERE A HOUSE IS REALLY …A HOME

 

Sa ikalawang pagkakataon, dinalaw ni G Tony Meloto, ang founder ng GAWAD KALINGA-Philippines na siyang bumalangkas at nagpasimuno, nangalap ng mga sponsor upang maisakatuparan ang proyektong pabahay na ito na matatagpuan sa Sitio Bitak, Maronquillo, San Rafael, Bulacan. Si Bb. Mary Chan ang unang tumugon at nag-alay ng isang ektaryang lupain. 

Si BB. Cielita Pagador, ang nag-sponsor ng mga materyales sa tatlumpung unang kabahayan para sa mga walang matuluyan. Si G. Philip Ong naman ang siyang nagkaloob sa pangangailangan sa Multi-purpose Hall, at sa Day Care Center.

 Kasama sa pagdalaw na ito ang butihing mayor Tita Lorna Silverio na buong kagalakang pinagyaman ang mga biyayang itong mula sa mga may mabuting loob at ipinapanalangin na harinawa may mga mabubuti pang puso ang magkaloob ng lupa malapit sa mga naitayo na sapagkat sa ngayon nga ay masayang ipinaaabot ng butihing mayor na mayroon ng nangako na magkakaloob ng ikatlong bahagi ng isang ektarya. Kapag nakabuo ng isa pang ektaryang ipagkakaloob, matutupad ang pangarap na magkaroon muli ng tatlumpung bahay pa dagdag sa nauna nang naipatayo.

 Kaisa sa mga naroon sina G. Gil Estrella, G. Pol Casiño, mga Pinuno ng tanggapan ng pamahalaan ng San Rafael, gaya nina Gng Vicky Ramos, Gng.Nerisa Villanueva, Engr. Romualdo de Castro, at mga kamag-anakan ni Bb. Pagador na mula pa sa Amerika. Mainit naman ang pagtanggap ng Pangulo ng Kapitbahayan na si G. Peter Jerson Manangan. Ipinaabot niya ang taos-pusong pasasalamat sa lahat ng tumulong lalong higit sa mga naghandog ng panahon, ng talino at ng salapi upang maisakatuparan ang proyektong ito. 

 Tunay ngang kaaya-ayang masdan ang mga bata at magulang, isang pamilya nanakangiti, mga bahayang bunga ng sariling pagpapagal, patunay sa mga salitang Ingles na dito sa lugar na ito makikita mo at mararamdaman na “THE HOUSE IS REALLY A HOME!”

DALAMHATI NG ISANG INA

Isang mapanglaw na gabi, kumukulog kumikidlat

Si Sisa’y ‘di mapakali punong-puno ng bagabag
Ang kaluto ay lumamig sa kahihintay ng maluwat

Pag-uwi ng dalawang anak sa puso ay tinitiyak.

Ang lagitik ng kawayan sa sulok ng kadiliman

Ang sa puso'y nagpasikdo sa ligayang inaasam

Mga paa’y di magmayaw, salit na nag- uunahan

Ang kusina ay nalapit sa malayo pang hagdanan.

Ang kaninang pananabik ay nadimlan ng pangamba

Lumalaot na ang gabi’y wala pa ang mga sinta

At sa kanyang pagtalikod nagdumali ang asawa

Nilantakan ang pagkain wala man lang itinira.

Umagos ang mga luha nasadlak sa isang sulok

Halos hindi makahinga waring punyal nakatusok

Nahati rin ang ligaya nang si Basilio ay sumulpot

Ngunit pagod at duguan, dagli siyang nakatulog.

Hindi na rin naikali si Crispin ay nasaan na ba

Ang dugua’y pinagyaman, ng nagdadalamhating ina

Impit yaring paghagulgol hilam sa luha ang mata

Nanginginig ang katawan sa mga anak na inaba.

Walang salitang angkop sa kanyang nararamdaman

Kung paano ilalahad ang mga kaganapan

Taglay pa rin ni Basilio maging sa balintataw

Ang panaghoy ni Crispin at pagsamong palahaw.

Mga walang kamalaya’t inosenteng magkapatid

Hinding hindi makawala sa matinding pag-uusig

Mismong ang Sakristan Mayor dahilan ng paghihigpit

Yaman nga raw ng Simbahan ay kanilang kinukupit.

Ang imbing Sakristan Mayor na s’yang naging taga-usig

Sa salang hindi ginawa ng kawawang magkapatid

Ngunit ang mga paratang ang siya ring iginigiit

Ang isang pagkakasala ipina-aaming pilit.

Walang puknat na hambalos ang naranasan ni Crispin

Nagpumiglas, nagsumubsob, ang sakit ay walang maliw

Si Basilio ay napatda nagngangalit ang mga ngipin

Tanging ang kanyang nagawa ipukpok ang ulo sa pader.

Aking kaka kung maari ay huwag mong iiwanan

Buhay ko ay kikitlin huwag mo kong pabayaan

Nagitla si Basilio habang unti-unting naparam

Ang lagatok ng mga palo at pahinang mga sigaw.

Sa gayong pangyayari ay tumakbong papalabas

Ang kapalaran ng kapatid ay hindi niya matanggap

Hilam sa mga luha, ang direksyon di magagap

Nadaplisan man nang baril hindi ininda ang sugat.

Mag aagaw dilim pa lang tinungo na ang simbahan

Ang kapalaran ni Crispin ay nais na niyang malaman

Ngunit lubhang mga tikom ang bawat mapagtanungan

Guwardia Sibil ang nagtulak upang umuwi ng tahanan

Basilio, Crispin, mga anak kayo baga ay nasaan

Ang inang namimighati matitiis nyo bang saktan

Hindi ko matitiis na di kayo masilayan

Hungkag itong aking puso isip ay di makayanan

Walang araw walang gabi at sandali na sinayang

Halos ay nanlilimahid nakababad sa lansangan

Labis ang paghihinagpis nakatungo sa kawalan

Kumawala na ang isip sa labis na kalungkutan.

Dagdag pa ang pag-uusig nitong mga guardia sibil

Sa patuloy na paghanap kay Basilio at Crispin

Makita man kahit hindi may bagabag may panimdim

Bawat araw na dumaan sumusugat sa damdamin

Sa sulok na hindi hayag ay may isang kaluluwa

Tiim-bagang ang pagluha, nanlilisik ang mata

Walang lakas na damayan, ang nagwawalang ina

Bawat tawag, bawat hiyaw tumitimo sa puso niya.

Sumasayaw umaawit sa kainitan ng araw

Kapag pagod humahalik sal upang tinatapakan

Kapag nalulugmok ang ina o kay sakit na mamasdan

At nakakandado lagi sa walang rehas na kulungan.

Nakadudurog ng pusong minsan ay napagmasdan

Mula ulo hanggang paa ang ina ay duguan

PIna-awit pinasayaw ngunit ng di nagustuhan

Hinambalos at binugbog hanggang manghina ang katawan.

Sa halos walang ulirat ang ina’y pasuray-suray,

Sa libis ng kanilang nayon ay panakaw na sinundan

Nang magawi sa sang sulok malapit sa kakawayan

Hagulgol at biglang hatak sa duguang mga kamay

Kagyat na niyakap ang inang kay luwat na nagkalayo

Nakilala nitong si sisa ang anak niyang si Basilio

Madamdaming sa kagubatan  ang dalawa ay nagtagpo

Sa kandungan ni Basilio, buhay ni Sisa ay naglaho.

A ROAD TRIP TO MAYUMO (HOUSES THAT DATE BACK TO HISTORY)!

     Kuya Bobot Tecson, the grandson of Simon Tecson, a  noted  war hero of San Miguel, called me up for a trip to San Miguel, Bulacan. For whatever reason, I was made to join, along with Ate  Nerie, Kuya Gilbert and wife on the road through a town I only knew then was filled with memories of the past. The past that made San Miguel used to be known if only one should be serious enough to date back what had happened to people, places and most likely of houses where doors should only be unlocked to reveal the richness of history piled therein.

    Come open each door of old houses, take the road where ancestors of San Migueleños onced traveled and places where they had built their dreams. Houses, roads, and places-remnants of the way they lived, how they fall and how they triumphed. Truly it was a short trip to San Miguel de Mayumo, and a quick look on links to History.

                                         Brief History

San Miguel de Mayumo was originally a Visita of Candaba, Pampanga founded in 1607. It became an independent parish in 1725.
In 1726, San Miguel de Mayumo was aggregated to Gapan, Nueva Ecija as a visita,
On May 17, 1848 it was annexed from Pampanga.
San Miguel de Mayumo becane independent from Macabebe in 
1872.

 The town's present Church of St. Michael the Archangel, built (or rebuilt) in 1848 by Fr. Juan M. Tombo, was completed in 1869 by Fr. Francisco Arriola.  It was restored many times and its painted ceiling on the nave and dome was done by Italian artist Alberoni. In 1941, the entire roof over the nave collapsed during the bombing of the San Miguel Bridge by Japanese forces during the onset of World War II. The statue of St. Michael the Archangel slaying the dragon, said to have been found in Madlum Cave, is located at the center panel of the pediment which is topped by a bell tower.  The magnificent and massive convent, built by Frs. Tomba, Arriola and Ortiz, currently serves as the San Miguel Catholic Institute.

"Simon Tecson House"

Located at San Vicente, SAn Miguel. The original house was built through the effort of Doña Tomasa Mossessgeld Santiago at Tecson's land. Burned during Cholera Outbread, and later the youngest Tecson took owner of the house.
One of the Tecson's grandson is pointing out a secred window's exit whenever he's not allowed to go out!

        

        Here, Kuya Bobot is showing the particular place where the members of the alleged oppressors of Spaniards tied on a pole and let die in the middle of the heat of the sun and let suffered the wrath of angry Spaniards so that others may see.

The Mossesgeld House, in Brgy. San Vicente, was formerly owned by the father of Jose Mossesgeld

        The 3-storey Don Catalino Sevilla Mansion, along Tecson St., Brgy. San Vicente, was the venue of the Celia Club, remembered as a grand social affair of the “Who’s Who” in the country.  During World War II, it was the headquarters of the Japanese Army.

Add caption

The Machine Gun House

Mason Temple

Mateo Tecson House

Believe to be the house of the "Hilot" who gave birth of most of the Barangays children during that day.

Narcisa (Doña Sisang) de leon;s House. Doña Sisang, known to be the mother of Philippine Movies and the owner of LVN Studios.

The oldest house in Mayumo

The Payawal House

The Siojo House

      The Damaso-Sempio House had Gens. Gregorio del Pilar (Sempio's nephew) and Artemio Ricarte as overnight guests. For a while, del Pilar’s saber, boots and his unit’s flag were kept in the house (later donated to the provincial government). The house also has life-size, century-old mannequins of Christ’s 12 Apostles.  They are paraded during Holy Week.